Sunday, October 16, 2011

عزيزي نهاية الاسبوع

عزيزي نهاية الاسبوع.. لو سمحت ما تعيدها وما تيجي مرة تانية.. كوني ام عاملة يعني انا بدي نهاية الاسبوع عشان اشوف بيتي وعيلتي.. انا بدي يوم في الاسبوع اضل في البيت وما اطلع منو.. كتير صعب طلبي؟؟ مو حاسة حالي عم بطلب اشي يفوق الخيال.. لو بدنا نعمل حسابات بسيطة.. انا بشتغل 8 ساعات في اليوم.. بدي ساعتين الصبح لأجهز واطلع عشان معي بنت صغيرة.. بدي كمان ساعة المسا لأوصل عالبيت.. بدي ارجع اطبخ ونتعشى وانيم بنتي وانام.. ممكن اعرف ايش باقي في اليوم وقت اعمل فيه اي اشي؟؟؟



مع كل هاد حاسة حالي في بداية فترة اكتئاب عنيفة ولازم الحق حالي قبل ما تتفاقم.. عم بحس دايما بارتخاء ودوخة ومو عارفة اركز باي اشي.. ووجع بكل شبر بجسمي زي كانو بداية انفلونزا.. بس المشكلة انو صارلي هيك يمكن اسبوع...


يا ربي بدي يوم ارتااااااح.. السبت دايما عندي هوي يوم الطلعات الضرورية.. ازا في زيارة دكتور او مواعيد او تسوق او اي شي من هادي المواضيع اللي ما بتنعمل في الجمعة.. يعني هيك 6 ايام من 7 راحو... اليوم السابع المأسوف عليه هوي اللي بينحسب علي يوم راحة بس كمان ما بقعد فيه في البيت...


بكل هاد الموضوع.. اكتر حد لازم يوقف معي هوي اكتر حد مستكتر علي هاليوم... لو في حد بيهمك وحاسس انو في بداية مرحلة اكتئاب عنييفة.. مو الواجب توقف جنبو... بتصير انتا والحياة عليه...


شكلو لازم ادور على شغل تاني يعنى بامور المرأة والاسرة ويكون فيه الجمعة والسبت دوام واي يومين تانيين في الاسبوع عطلة... هيك بما انو الويكند محسوب علي انو اجازة ببطل اجازة.. والتعب هوي هوي.. بس في الاخر بيجي يومين في الاسبوع ما حد فاضيلي وبس برتاح فيهم


اللي بيعرف مكان هيك لو سمحتو يدلني عليه

13 comments:

  1. poor you! so sorry to hear that!
    انت مرهقة من الشغل وبصراحة الله يعينك! أصلا شغل البيت يعتبر

    full time

    فكيف مع شغل برة البيت

    أنا رأيي خديلك أكم يوم إجازة راحة ونقاهة وبعد الاسترخاء اقعدي مع حالك وشوفي ايش ممكن ينعمل عشان ما توصلي لمرحلة الإرهاق

    ReplyDelete
  2. 7abibti assel thanks for ur support.
    lazem walla ijaze, bs ijazate 5elsooooooooooooo :( bnte mrdat kter this year w kont adal a3a6el m3ha, that's why lama akon be another job that cares for family and mothers, then the annual vacation ra7 tkon + week (multiplied by number of kids) :)

    ReplyDelete
  3. واضح إنك متغلبة هاليومين

    :(

    الله يعطيك العافية

    للأسف طلبك يتناقض مع العولماتية
    :-]

    بس جد، الحياة أولوياتها مختلطة بل و متنافرة! صعب جدا ً التوازن
    :(

    ReplyDelete
  4. اهلا مستر شيشاني.. اه والله متغلبة كتير هاليومين :) .. الله يعافيك
    بس ما فهمت العولماتية ايش مشكلتها مع طلباتي :) طلباتي بسيطة ومباشرة ما في وراها لف ولا دوران
    هيي جد الحياة كتير بتضحك بموضوع الاولويات.. بس يمكن هيي هيك بعالمنا عشان في بلدان اللي بتقدر ايش يعني عائلة واهميتها.. الناس ما بتعيش هادي المواقف.. ببساطة البلد نفسه بيدعم الام عشان تضل جنب ابنها كم سنة.. مو زينا 10 اسابيع ومحمليننا جميلة عليهم ومش عارفين مين يدفعهم.. وفي الاخر احنا بندفعهم.. مع الشكر للضمان الاجتماعي
    وكل عام وانتا بخير كمان مرة :)

    ReplyDelete
  5. يعطيك ألف عافية, إذا بيخفف عليكي فهاي هي حياة المرأة العاملة للأسف وكلنا بالهوا سوا, شغل بره البيت وجوا البيت, وكلنا والله بنحس زيك وبنعاني زيك حتى نهاية الأسبوع موفاضيين والشغل أضعاف وشكل الزوج كمان ما بيرحم!!

    مش عارفه كيف أخفف عنك بس يمكن كمان شوي بتكبر بنتك أكتر وبيخف الحمل شوي, بلكن نهاية هاد الأسبوع تروحي تقضيه عندأهلك وتنامي وترتاحي أو تقضيه نايمة بالبيت وحتى لو فيه شغل وتنظيف اتركيه, اصله العمر بيخلص والشغل ما بيخلص!

    الله يصبرك ويرزقك بشغل أسهل وعدد ساعاته أقل, برضه 8 ساعات باليوم كتير.

    ReplyDelete
  6. @الكيل بمكيالين: معك حق هوي هيك بيصير لما الوحدة بتشتغل دوام طويل.. الله يعيننا.. بس هيي المشكلة انو بتضل هادي المشاعر السلبية تتراكم تتراكم لحد ما تفيض زي هيك.. بعدين بيرجع الروتين العادي..
    الله يسمع منك ان شاء الله واقدر الاقي شغل رايق شوي ودوامو اقصر

    ReplyDelete
  7. اول شي الحمدلله ع كل شي ...
    تاني اشي شوفي شغل بالمطار! بتصيري زي محمد بتعطلي لحالك و ما بتشوفي حدا :)

    تالت إشي بدك تغيري أولوياتك! و بدك ما تكوني كتير طماعة! يوم كامل لحالك بالبيت صعب! شو رأيك نص نهار! يعني السبت ممكن تخلي مشاويرك المسا (بعد الغدا) أو العكس بتطلعي و خلصي ع بكير ...

    رابع إشي! شو رأيم بمدرسة! بدك تتنازلي! حلو بتعطلي بالشتاء و الصيف مع زينة :)

    ReplyDelete
  8. rare zaman 3annek :)
    walla ya ret ya rare ente elle bt3rfe eno ana kter kter dawaret be madares, bs ma 7d 7aka ma3e :( iza btla2ele eshe aked bakon mbsota...
    aked 7mdella 3a kol 7al bs jd i need rest... w mo 6ama3 eno a5od one day for myself, w u know lama a7ke myself i mean for myself to spend with my little family, ashof bnte.. 7ata youm ma bekaffe iza bde a2asmo, shwy sho'3ol beit, shwy al3b m3 zaina, shwy a3ml fe eshe la7aly.
    miss u sweety :)

    ReplyDelete
  9. الله يعطيكِ العافيه يا رب ويقويكِ...

    ReplyDelete
  10. nissan.. allah y3afeke dear,, thanks for passing

    ReplyDelete
  11. بربحا
    من زمان قرأت هالبوست ومش عارفه ليش مش معلقه عليه
    سنحه تسنحني


    ليس

    ما إلك إلا تنظمي وقتك ع الليبره
    وتطلبي المساعده الخارجيه
    والإلتزام بالجدول المدرج من قبل الاطراف الي بوقع عليها الضرر

    لوول,, لا مش معاهده سلام

    بس لوما إني مريت بمرحلتك,, مكنونتش حكيت هالحكي


    مساءك سعيد يا حلوه

    ReplyDelete
  12. ahln ahln um omar.. thanks kter 3ala el nsa2e7 el kameela :) shklo kol el working moms bemorro be same experience..

    walla lazem el tawqe3 coz i did that without twaqe3, and fel a5er ma l2et evidence 3al agreement looooooooooool

    have a nice day :)

    ReplyDelete
  13. ولو العفو منك
    وأي مساعده إحنا كلنا بالخدامه

    أزا ما وثقتي التوقيع
    لاقيلك شغله تانيه وثقيها
    او مثلن,, " حبيبي فاكر ئديش طلبت منك تساعدني بالمطبخ" مثلن
    مع حزونه و تمسيح جوخ

    وإدعيلي
    ;)

    الشرف كله إلي

    ReplyDelete