Incomplete wish

I’m a lucky person :) all my wishes come true, always. however, they never been complete wishes, and I never learned how to make a complete wish..



Last weekend I had a wish to spend 1 weekend day at home, which happened this weekend. Guess why?? tsammamet :S


I ate junk food on Thursday, w jd kanat men nefes, kter zaman ma akalet junk food. The effect started on Friday @2am, vomiting and diarrhea, and then went to ER @10am. Then back to home, I slept till 3pm and ended home alone for the rest of the day, coz mo 2adre a6la3; I needed to take my toilet with me.


See how lucky I am :) all my wishes come true, always!! 7mdella

عزيزي نهاية الاسبوع

عزيزي نهاية الاسبوع.. لو سمحت ما تعيدها وما تيجي مرة تانية.. كوني ام عاملة يعني انا بدي نهاية الاسبوع عشان اشوف بيتي وعيلتي.. انا بدي يوم في الاسبوع اضل في البيت وما اطلع منو.. كتير صعب طلبي؟؟ مو حاسة حالي عم بطلب اشي يفوق الخيال.. لو بدنا نعمل حسابات بسيطة.. انا بشتغل 8 ساعات في اليوم.. بدي ساعتين الصبح لأجهز واطلع عشان معي بنت صغيرة.. بدي كمان ساعة المسا لأوصل عالبيت.. بدي ارجع اطبخ ونتعشى وانيم بنتي وانام.. ممكن اعرف ايش باقي في اليوم وقت اعمل فيه اي اشي؟؟؟



مع كل هاد حاسة حالي في بداية فترة اكتئاب عنيفة ولازم الحق حالي قبل ما تتفاقم.. عم بحس دايما بارتخاء ودوخة ومو عارفة اركز باي اشي.. ووجع بكل شبر بجسمي زي كانو بداية انفلونزا.. بس المشكلة انو صارلي هيك يمكن اسبوع...


يا ربي بدي يوم ارتااااااح.. السبت دايما عندي هوي يوم الطلعات الضرورية.. ازا في زيارة دكتور او مواعيد او تسوق او اي شي من هادي المواضيع اللي ما بتنعمل في الجمعة.. يعني هيك 6 ايام من 7 راحو... اليوم السابع المأسوف عليه هوي اللي بينحسب علي يوم راحة بس كمان ما بقعد فيه في البيت...


بكل هاد الموضوع.. اكتر حد لازم يوقف معي هوي اكتر حد مستكتر علي هاليوم... لو في حد بيهمك وحاسس انو في بداية مرحلة اكتئاب عنييفة.. مو الواجب توقف جنبو... بتصير انتا والحياة عليه...


شكلو لازم ادور على شغل تاني يعنى بامور المرأة والاسرة ويكون فيه الجمعة والسبت دوام واي يومين تانيين في الاسبوع عطلة... هيك بما انو الويكند محسوب علي انو اجازة ببطل اجازة.. والتعب هوي هوي.. بس في الاخر بيجي يومين في الاسبوع ما حد فاضيلي وبس برتاح فيهم


اللي بيعرف مكان هيك لو سمحتو يدلني عليه