(2) الطاقة النووية

اليابان ترفض تبني اتفاقية التعاون النووي مع الاردن لسوء اختيار موقع تنفيذ المشروع

خبراء : الموقع قريب من السكان ولايوجد مياه كافيه للمشروع وقد يتسبب بكوارث طبيعيه

ان شاء الله حد يقتنع بلغة المنطق والحقائق العلمية.. مع اني اشك :S

الطاقة النووية

البحث عن مصادر طاقة بديلة كان وما يزال أولوية في ظل الحاجة المتزايدة للطاقة نتيجة ارتفاع عدد السكان.. لكن الخطوات والقرارات الغير مدروسة بالتأكيد ستأتي بمفعول عكسي..


يعني بالعربي.. لما احنا دولة نامية.. الدول المتقدمة واللي بتفهم قررت توقف المفاعلات النووية اللي عندها لأنها اكتشفت انو مساؤها اكتر من منافعها... احنا ليه يعني عم نتفلسف وبدنا خاوة نعمل مفاعل نووي عشان الطاقة...  وبيرد عليهم مسؤول محترم بيحكي انو همي كان عندهم مفعل نووي من الجيل القديم.. اما احنا المفاعل راح نبني من الجيل الاحدث!!!! انو يعني احنا بدنا نعمل اللي ما عرفتو تعملوا


اضف الى ذلك ارتفاع نسبة اصابات السرطان في المملكة... يعني زي كأنو احنا ناقصنا مصايب..


طيب الدول اللي عندها فصل صيف وفصل شتاء والشمس ما بتطلع عندهم دايما.. قرروا يتجهوا للطاقة الشمسية باعتبارها طاقة نظيفة.. احنا ما شاء الله شمسنا كتير متأثرة بالاغنية (يا شمس لا لا لا تغيبي) وهي حسب الدراسات موجودة 350/365 يوم في السنة... كمان مرة احنا ليش عم نتفلسف والا بدنا مفاعل نووي...


وفي الاخر بيجي واحد بيحكيلك انو مديونية المملكة راح تزيد 18 مليار عشان خاطر المفاعل النووي...


يعني اي انسان بسيط بدون اي خلفية ثقافية معقدة بيفهم انو هاد الشي ابدا مو لازم يصير...




على الهامش:
التل: مشروع المفاعل النووي أكبر صفقة فساد في تاريخ الاردن